స్థానిక పోరుకు షెడ్యూల్ రెడీ..!
సిద్దిపేట టైమ్స్, వెబ్
స్థానిక సంస్థల పోరుకు షెడ్యూల్ సిద్ధమైంది. తెలంగాణ రాష్ట్రంలో ఎంపీటీసీ, జడ్పీటీసీల ఎన్నికల నిర్వహణకు ప్రభుత్వం షెడ్యూల్ విడుదల చేసింది. సెప్టెంబరు 10వ తేదీ నాటికి ఎంపీటీసీ, జడ్పీటీసీ ఓటర్ల, పోలింగ్ కేంద్రాల తుది జాబితా ప్రచురించాలని ఆదేశిస్తూ కలెక్టర్లకు ఉత్తర్వులు జారీ చేసింది.
సెప్టెంబరు 6న ఎంపీటీసీ, జడ్పీటీసీ స్థానాల వారీగా ఓటర్ల, పోలింగ్ కేంద్రాల ముసాయిదా జాబితాలు ప్రచురించాలిని ప్రకటించింది.
సెప్టెంబర్ 6 నుంచి 8 వరకు అభ్యంతరాలు, వినతుల స్వీకరించాలని, 8న జిల్లా స్థాయిలో కలెక్టర్లు, మండల స్థాయిలో ఎంపీడీవోలు రాజకీయ పార్టీల ప్రతినిధులతో సమావేశం నిర్వహించాలని సూచించింది.
9న అభ్యంతరాలు, వినతులు పరిష్కరించాలని, 10న తుది ఓటర్ల, తుది పోలింగ్ కేంద్రాల జాబితాలు ముద్రించాలి ని ప్రభుత్వం షెడ్యూల్ విడుదల చేసింది.
