హుస్నాబాద్ లో ఘనంగా మహాత్మా జ్యోతి బాపులే 135 వ వర్ధంతి
సిద్దిపేట టైమ్స్ హుస్నాబాద్:
హుస్నాబాద్ పట్టణం లోని అంబేద్కర్ చౌరస్తా వద్ద నియోజకవర్గ జేఏసీ ఆధ్వర్యంలో మహాత్మా జ్యోతి బాపులే 135 వ వర్ధంతి కార్యక్రమం ను జేఏసీ కోఆర్డినేటర్ మేకల వీరన్న యాదవ్ అధ్యక్షత నిర్వహించారు. ఈ సందర్భంగా సిద్దిపేట జిల్లా గ్రంధాలయ సంస్థ ఛైర్మన్ కేడం లింగమూర్తి మాట్లాడుతూ…జ్యోతి బాపులే అట్టడుగు వర్గాలకు విద్యను అందించి, వితంతువుల, అనాధ పిల్లలను చేరదీసి విద్యా బుద్ధులను నేర్పించి, బాలికలకు పాఠశాలలను నెలకొల్పారని అన్నారు. ఈ సమయంలో మహాత్మా జ్యోతి బాపులే ఆశయాలను ముందుకు తీసుకొని పోవాలని యువతకు పిలుపు నిచ్చారు.
సింగిల్ విండో ఛైర్మన్ బోలి శెట్టి శివయ్య మాట్లాడుతూ… సమాజం లో అత్యధిక జనాభా ఉన్న బీసీ లకు అన్ని రంగాలలో అన్యాయం జరుగుతుందని, ఈ వర్గాల ప్రజలు ఉద్యమించడం ద్వారా మాత్రమే హక్కులను సాధించుకోవచ్చని, ఆ వైపుగా పయనించాలని అన్నారు.
బార్ అసోసియేషన్ మాజీ అధ్యక్షులు చిత్తారి రవీందర్ మాట్లాడుతూ.. బీసీ లకు 42 శాతం రిజర్వేషన్లు ఇవ్వడానికి కాంగ్రెస్ పార్టీ ముందుందని, కాని కేంద్రం సహకరించడం లేదని కేంద్రం పై పోరు జరుపాలని అన్నారు. ఈ కార్యక్రమం లో మాజీ ఎంపీపీ ఆకుల వెంకన్న, సిపిఐ నాయకులు కోహెడ కొమురయ్య, జేఏసీ నాయకులు నాంపల్లి సమ్మయ్య, కోడూరి శ్రీదేవి, కాంగ్రెస్ నాయకులు మైదాంశెట్టి వీరన్న,కోమటి సత్యనారాయణ, వడ్డేపల్లి వెంకటరమణ, బత్తుల రవి, వల్లపు రాజు,గట్టు రాములు, గురాల సంజీవరెడ్డి, ఫ్రాన్సిస్ తదితరులు పాల్గొన్నారు.
