డిసెంబర్ 3న సిఎం రాకకు సిద్ధమవుతున్న హుస్నాబాద్
పర్యటన ఏర్పాట్లను పరిశీలించిన గ్రంథాలయ చైర్మన్ కేడం లింగమూర్తి
సిద్ధిపేట టైమ్స్ హుస్నాబాద్:
హుస్నాబాద్ నియోజకవర్గ కేంద్రంలోని స్తూపం వద్ద డిసెంబర్ 3న తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి పర్యటించనున్న నేపథ్యంలో ఏర్పాట్లు శరవేగంగా కొనసాగుతున్నాయి. ఈ నేపథ్యంలో గురువారం రోజు గ్రౌండ్‌లో నిర్వహిస్తున్న ఏర్పాట్లను, ముఖ్యంగా హెలీప్యాడ్ ల్యాండింగ్ కోసం అవసరమైన సదుపాయాలను, సిద్దిపేట జిల్లా గ్రంథాలయ సంస్థ చైర్మన్ కేడం లింగమూర్తి ప్రత్యక్షంగా పరిశీలించారు. అధికారులతో మాట్లాడి, సిఎం పర్యటనకు ఎలాంటి లోపాలు లేకుండా ఏర్పాట్లు పూర్తి చేయాలని సూచించారు. ప్రజలు అధిక సంఖ్యలో హాజరయ్యే అవకాశాన్ని దృష్టిలో పెట్టుకుని ట్రాఫిక్ నిర్వహణ, భద్రత, వేదిక ఏర్పాట్లు, పార్కింగ్ వంటి విషయాలపై సమగ్రంగా చర్చించారు. ఈ సందర్శనలో సింగిల్ విండో చైర్మన్ బొలిశెట్టి శివయ్య, మార్కెట్ కమిటీ వైస్ చైర్మన్ బంకచందు, కాంగ్రెస్ నాయకులు వల్లపు రాజు, గంపల శ్రీనివాస్, లావుడియా బిక్య నాయక్ తదితరులు పాల్గొన్నారు.
