Breaking…పాకిస్తాన్ ఉగ్రస్తావరాలపై భారత్ మెరుపు దాడి…
సిద్దిపేట టైమ్స్ హుస్నాబాద్:
పహాల్గం ఉగ్రవాదుల దాడి తో భారత్ పాకిస్తాన్ మధ్య తీవ్ర ఉద్రిక్తల నేపథ్యంలో కీలక పరిణామం చోటుచేసుకుంది. ఆపరేషన్ సింధూర్ పేరుతో పాకిస్తాన్లోని ఉగ్రవాద శిబిరాలపై భారత ఆర్మీ మెరుపు దాడులు చేపట్టింది.
2025 మే 7న, అర్ధరాత్రి 1.44 కు భారత్ ‘ఆపరేషన్ సిందూర్’ పేరిట పాకిస్తాన్లోని ఉగ్రవాద శిబిరాలపై భారత సైన్యం మెరుపు దాడులు చేపట్టింది. ఈ చర్య, ఏప్రిల్ 22న జమ్మూ కాశ్మీర్లోని పహల్గామ్ వద్ద జరిగిన ఉగ్రదాడికి ప్రతీకారంగా చేపట్టారు, ఆ దాడిలో 26 మంది భారతీయ పర్యాటకులు మరణించారు.
భారత రక్షణ శాఖ ప్రకారం, ఈ దాడుల్లో పాకిస్తాన్ ఆక్రమిత కాశ్మీర్ (పీవోకే)లోని ముజఫరాబాద్, కోట్లీ, అలాగే పాకిస్తాన్ పంజాబ్లోని బహావల్పూర్, మురీద్కే ప్రాంతాల్లో ఉన్న లష్కరే తోయిబా, జైషే మహ్మద్ వంటి ఉగ్రవాద సంస్థల శిబిరాలను లక్ష్యంగా చేసుకుంది. ఈ దాడుల్లో దాదాపు 30 మంది ఉగ్రవాదులు హతమైనట్లు సమాచారం.
పాక్ అధికారిక వర్గాలు ఈ దాడులను ఖండించాయి, వాటిని “యుద్ధ ప్రకటన”గా పేర్కొన్నాయి. పాక్ ప్రధాని షెహబాజ్ షరీఫ్, భారత్పై ప్రతీకార చర్యలు తీసుకుంటామని హెచ్చరించారు. పాక్ వర్గాల ప్రకారం, ఈ దాడుల్లో 8 మంది మరణించగా, 35 మందికి పైగా గాయపడ్డారు .
ఈ దాడుల నేపథ్యంలో, భారత్, పాకిస్తాన్ మధ్య ఉద్రిక్తతలు పెరిగాయి. రెండు దేశాల మధ్య విమాన సర్వీసులు నిలిపివేయబడ్డాయి, అలాగే సరిహద్దు ప్రాంతాల్లో మోర్టార్ దాడులు, కాల్పులు కొనసాగుతున్నాయి. అంతర్జాతీయంగా, ఐక్యరాజ్యసమితి, అమెరికా వంటి దేశాలు ఇరు దేశాలను శాంతి పరిరక్షణకు పిలుపునిచ్చాయి .
