హుస్నాబాద్ లో ఘనంగా భారత రాజ్యాంగ దినోత్సవ వేడుకలు..
భారత ప్రజాస్వామ్యానికి ఆత్మ భారత రాజ్యాంగం
సిద్దిపేట టైమ్స్ హుస్నాబాద్:
బుధవారం రోజు భారత రాజ్యాంగ దినోత్సవం సందర్భంగా బీజేపీ హుస్నాబాద్ పట్టణ అధ్యక్షుడు బత్తుల శంకర్ బాబు ఆధ్వర్యంలో హుస్నాబాద్ పట్టణంలోని డాక్టర్ బాబాసాహెబ్ అంబేద్కర్ విగ్రహానికి పూలమాల వేసి నివాళులు అర్పించి, రాజ్యాంగ దినోత్సవ వేడుకలు ఘనంగా నిర్వహించారు. ఈ సందర్భంగా దేశ ప్రజలకు, హుస్నాబాద్ పట్టణ ప్రజలకు రాజ్యాంగ దినోత్సవ శుభాకాంక్షలు తెలియజేశారు. ఈ సందర్భంగా బత్తుల శంకర్ బాబు మాట్లాడుతూ 1949 నవంబర్ 26 న భారత రాజ్యాంగాన్ని ఆమోదించిన జ్ఞాపకార్థం ప్రతి సంవత్సరం నవంబర్ 26న భారతదేశంలో రాజ్యాంగ దినోత్సవం సంవిధాన దివస్ గా జరుపుకోవడం జరుగుతుందన్నారు. ప్రజాస్వామ్యానికి ఆత్మ భారత రాజ్యాంగమని అన్నారు. ముంబైలో బిఆర్ అంబేద్కర్ విగ్రహం స్మారక చిహ్నం శంకుస్థాపన సందర్భంగా భారత ప్రధాన మంత్రి నరేంద్ర మోడీ 2015 అక్టోబర్ 11 న ఈ ప్రకటన చేయగా, నవంబర్ 26 ను రాజ్యాంగ దినోత్సవంగా భారత ప్రభుత్వం 19 నవంబర్ 2015 న గెజిట్ నోటిఫికేషన్ ద్వారా ప్రకటించింది. పేద బడుగు వర్గాల కోసం అంబేద్కర్ ఎంతగానో శ్రమించారు. తన జీవితాన్ని ధారపోశారు. ఆయన జీవిత చరిత్ర ప్రతి ఒక్కరిలోనూ ఎంతో ప్రేరణ కలిగిస్తుంది. చిన్నప్పటి నుంచి అంబేద్కర్ ఎన్ని కష్టాలు పడ్డారో, కష్టపడి చదువుకుని భారత రాజ్యాంగాన్ని రూపోందించిన బహుముఖ ప్రజ్ఞాశాలి డాక్టర్ బాబాసాహెబ్ అంబేద్కర్ ని, వారి ఆశయ సాధనకు భారతీయ జనతా పార్టీ, కేంద్ర ప్రభుత్వం పని చేస్తుందని తెలిపారు.
ఈ కార్యక్రమంలో బీజేపీ హుస్నాబాద్ పట్టణ ఉపాధ్యక్షులు బోడిగే వెంకటేష్, ప్రధాన కార్యదర్శి పోలోజు రాజేందర్ చారీ, కార్యదర్శి వడ్డెపల్లి లక్ష్మయ్య, కోశాధికారి బుర్ర రాజు, అసెంబ్లీ సోషల్ మీడియా కన్వీనర్ మారుపాక వివేక్, సీనియర్ నాయకులు వేముల దేవేందర్ రెడ్డి, బొనగిరి రవి, పోలోజు రవీందర్, వరియోగుల అనంతస్వామి, వెల్దండి సంతోష్, ఆశాడపు శ్రీనివాస్, బత్తుల కుమారస్వామి, నాయకులు స్వామి, రాజేష్ తదితరులు పాల్గొన్నారు.
