రాబోయే సర్పంచ్ ఎన్నికల్లో బీఆర్ఎస్ దే పై చేయి!..
బీఆర్ఎస్ హుస్నాబాద్ నియోజకవర్గ అధికార ప్రతినిధి అయిలేని మల్లికార్జున రెడ్డి
సిద్దిపేట టైమ్స్ హుస్నాబాద్:
హుస్నాబాద్ మండలం పోట్లపల్లి గ్రామంలో బీఆర్ఎస్ పార్టీ ఆధ్వర్యంలో నిర్వహించిన విలేకరుల సమావేశంలో పార్టీ నియోజకవర్గ అధికార ప్రతినిధి అయిలేని మల్లికార్జున రెడ్డి మాట్లాడుతూ, రాబోయే సర్పంచ్ ఎన్నికల్లో కాంగ్రెస్ పార్టీ ఎంత ప్రయత్నాలు చేసినా ప్రజలు బీఆర్ఎస్ అభ్యర్థులనే గెలిపిస్తారని విశ్వాసం వ్యక్తం చేశారు. కాంగ్రెస్ ప్రభుత్వం శాసనసభ ఎన్నికల్లో ప్రజలకు అమలుకాని హామీలు ఇచ్చి అధికారం లోకి వచ్చిందని, దాదాపు రెండు సంవత్సరాలు గడిచినా హామీలు నెరవేర్చలేకపోయింది అని అన్నారు. గ్రామపంచాయతీ ఎన్నికలు కూడా నిర్వహించలేకపోయిన ఈ ప్రభుత్వానికి ప్రజల్లో విశ్వాసం లేదని చెప్పారు. జూబ్లీహిల్స్ ఉప ఎన్నికల్లో అధికార బలంతో గెలిచిన కాంగ్రెస్ నాయకులు ప్రజా మద్దతుగా పేర్కొనడం తగదని వ్యాఖ్యానించారు. హుస్నాబాద్ నియోజకవర్గ మాజీ ఎమ్మెల్యే సతీష్ కుమార్ నాయకత్వంలో దాదాపు 90 శాతం సర్పంచ్ స్థానాలను బీఆర్ఎస్ గెలుచుకుంటుందని తెలిపారు. త్వరలో కాంగ్రెస్ ప్రభుత్వం అవలంబించే ప్రజా వ్యతిరేక విధానాలపై బీఆర్ఎస్ ప్రజల పక్షాన నిలబడి పోరాడుతుందని తెలిపారు. ఈ సమావేశంలో పార్టీ నాయకులు మల్కి రెడ్డి, మోహన్ రెడ్డి, కొమ్మేర నర్సింహా రెడ్డి, పాకాల శ్యామ్ సుందర్ గౌడ్, నాంపల్లి శంకర్ పాల్గొన్నారు.
