హుస్నాబాద్ ఇంజనీరింగ్ కాలేజ్ శాశ్వత భవనాల నిర్మాణానికి 35 కోట్లు మంజూరు
సిద్దిపేట టైమ్స్ హుస్నాబాద్:
సిద్దిపేట జిల్లా హుస్నాబాద్‌లో ప్రారంభమైన శాతవాహన యూనివర్సిటీ ఇంజనీరింగ్ కాలేజీ శాశ్వత భవనాల నిర్మాణం, క్యాంపస్ అభివృద్ధి కోసం రూ.35 కోట్లు విడుదల చేస్తూ శనివారం అధికారిక ఉత్తర్వులు జారీ చేసి ప్రభుత్వం కీలక నిర్ణయం తీసుకుంది. ఈ విద్య సంవత్సరం నుంచే హుస్నాబాద్‌లో ఇంజనీరింగ్ మొదటి సంవత్సరం తరగతులు ప్రారంభమైన విషయం తెలిసిందే, యూనివర్సిటీ ఇంజనీరింగ్ కాలేజ్ శాశ్వత మౌలిక సదుపాయాల ఏర్పాటు కోసం రాష్ట్ర మంత్రి పొన్నం ప్రభాకర్ ప్రత్యేకంగా చొరవ తీసుకొని విడుదల చేయించిన భారీ నిధుల తో భవనాలు, ప్రయోగశాలలు, లైబ్రరీ, హాస్టల్, రహదారులు వంటి సదుపాయాల ఏర్పాట్లు మరింత వేగవంతం కానున్నాయి. హుస్నాబాద్ విద్యార్థుల భవిష్యత్‌కు కోసం తీసుకున్న ఈ నిర్ణయం జీవితాలను మార్చనుంది అని ఆనందం వ్యక్తం చేశారు. స్థానిక ప్రజలు, తల్లిదండ్రులు ఈ నిర్ణయాన్ని స్వాగతిస్తూ, హుస్నాబాద్ త్వరలోనే విద్యా కేంద్రంగా రూపుదిద్దుకోవాలని ఆశాభావం వ్యక్తం చేశారు.
