శాంతి భద్రతలకు విఘాతం కలిగిస్తే ఉపేక్షించేది లేదు

శాంతి భద్రతలకు విఘాతం కలిగిస్తే ఉపేక్షించేది లేదు

హుస్నాబాద్ ఏసిపి సౌదారపు సదానందం

ఎన్నికల సందర్భంగా పోలీసుల ఫ్లాగ్ మార్చ్

సిద్దిపేట టైమ్స్, హుస్నాబాద్ :


శాంతి భద్రతలకు విఘాతం కలిగిస్తే ఉపేక్షించేది లేదని, విఘాతం కలిగించే వారి పట్ల కఠినంగా వ్యవహరించేందుకు పోలీసులు సన్నద్ధంగా ఉన్నారని హుస్నాబాద్ ఏసిపి సౌదారపు సదానందం అన్నారు. గ్రామపంచాయతీ ఎన్నికల నేపథ్యంలో ఎన్నికల ప్రక్రియ ప్రశాంతంగా నిష్పక్షపాతంగా నిర్వహించేందుకు ప్రజలకు పూర్తి భరోసా కల్పించేందుకు ఆదివారం హుస్నాబాద్ మండలంలోని మహమ్మదాపూర్ గ్రామంలో పోలీసుల ఫ్లాగ్ మార్చ్ నిర్వహించారు. కార్యక్రమ అనంతరం ఏసిపి సదానందం, సీఐ శ్రీనివాస్, ఎస్ఐ లక్ష్మారెడ్డి కార్యక్రమాన్ని ఉద్దేశించి మాట్లాడారు. ఎన్నికల కోడ్ అమలులో ఉన్నందున ఎలాంటి అవాంఛనీయ ఘటనలకు తావు లేకుండా ప్రజలు నిర్భయంగా పోలింగ్ లో పాల్గొనాలని తెలిపారు. శాంతి భద్రతలకు విఘాతం కలిగించరాదని అలా వ్యవహరించే వారి పట్ల కఠినంగా వ్యవహరించవలసి వస్తుందని పేర్కొన్నారు. ఎన్నికల నియమావళిని ప్రతి ఒక్కరూ ఖచ్చితంగా పాటించాలని, ఎలాంటి ప్రలోభాలకు బెదిరింపులకు పాల్పడరాదని ప్రజలను హెచ్చరించారు. ఎన్నికల ప్రచారంలో ర్యాలీ లేదా బహిరంగ సభ నిర్వహించాలంటే తప్పనిసరిగా సంబంధిత మండల తహసిల్దార్ మరియు పోలీస్ శాఖ నుండి ముందస్తు అనుమతి తీసుకోవాలన్నారు. అనుమతి లేకుండా ర్యాలీలు లేదా సమావేశాలు నిర్వహించినట్లయితే అలాంటి వారిపై ఎన్నికల నిబంధనల ప్రకారం చట్టపరమైన కఠిన చర్యలు తీసుకోబడతాయన్నారు. గ్రామపంచాయతీ ఎన్నికలు ప్రశాంత వాతావరణంలో జరిగేందుకు అన్ని చర్యలు తీసుకుంటున్నట్లు తెలిపారు. ఎలాంటి ఫిర్యాదులు అనుమానాలు ఉన్నా నివృత్తి చేసుకోవడానికి తక్షణమే 8712667352 కు తెలియజేయాలని విజ్ఞప్తి చేశారు. అల్లర్లు సృష్టించాలని చూసే వారిపై చట్టపరంగా కఠిన చర్యలు తీసుకుంటామని స్పష్టం చేశారు. ఈ కార్యక్రమంలో కోహెడ ఎస్సై అభిలాష్, ఏఎస్ఐ మనెమ్మ మరియు పోలీసు సిబ్బంది పాల్గొన్నారు.