గ్రామపంచాయతీ ఎన్నికలకు ప్రజలందరూ సహకరించాలి
హుస్నాబాద్ ఏసిపి సౌదారపు సదానందం
సిద్దిపేట టైమ్స్ హుస్నాబాద్:
హుస్నాబాద్ మండలంలోని గ్రామాల్లో డిసెంబర్ 17న జరగనున్న మూడో విడత గ్రామపంచాయతీ ఎన్నికలు ప్రశాంతంగా, నిష్పక్షపాతంగా జరిగేందుకు ప్రజలు పూర్తి సహకారం అందించాలని హుస్నాబాద్ ఏసీపీ సౌదారపు సదానందం కోరారు. గురువారం ఆయన మండలంలోని తోటపల్లి, గాంధీనగర్, మీర్జాపూర్, జిల్లెలగడ్డ, పోతారం(ఎస్), బల్లునాయక్ తండా, వంగరామయ్యపల్లి గ్రామాల్లోని పోలింగ్ కేంద్రాలను ఆకస్మికంగా సందర్శించి ఏర్పాట్లను పర్యవేక్షించారు. ఈ సందర్భంగా ఏసీపీ మాట్లాడుతూ… ఎన్నికల ప్రక్రియలో పాల్గొనే ప్రతి ఒక్కరూ శాంతియుత వాతావరణాన్ని కాపాడాలని సూచించారు. “ఎన్నికల సమయంలో ఎలాంటి అవాంఛనీయ సంఘటనలకు తావివ్వొద్దు. గ్రామంలో ఎన్నికలు ప్రశాంతంగా సాగేలా పటిష్ట బందోబస్తు ఏర్పాటు చేస్తున్నామన్నారు. ఎవరైనా చట్ట వ్యతిరేక కార్యకలాపాలకు పాల్పడితే, వారిపై కఠిన చర్యలు తీసుకుంటాం” అని ఆయన హెచ్చరించారు. శాంతి భద్రతల విషయంలో రాజీ పడేది లేదని, ప్రతి ఒక్కరూ పోలీసు యంత్రాంగానికి సహకరించాలని ఏసీపీ విజ్ఞప్తి చేశారు. ఈ పర్యటనలో ఏసీపీ వెంట హుస్నాబాద్ ఎస్సై లక్ష్మారెడ్డి మరియు ఇతర పోలీస్ సిబ్బంది ఉన్నారు.
